2014 Rhif 129 (Cy. 17)

Y Dreth Gyngor, CYMRU

Rheoliadau'r Dreth Gyngor (Gweinyddu a Gorfodi) (Diwygio)  (Cymru) 2014 

NODYN ESBONIADOL

(Nid yw’r nodyn hwn yn rhan o’r Rheoliadau)

 

Mae Rheoliadau'r Dreth Gyngor (Gweinyddu a Gorfodi) 1992 (“Rheoliadau 1992”) yn gwneud darpariaeth ynglŷn â bilio, casglu a gorfodi'r dreth gyngor. Mae'r Rheoliadau hyn yn diwygio Rheoliadau1992 mewn perthynas â Chymru, er mwyn cymryd i ystyriaeth gyflwyno cynlluniau gostyngiadau'r dreth gyngor lleol, a wneir gan yr awdurdodau bilio yn unol â Rheoliadau Cynlluniau Gostyngiadau'r Dreth Gyngor a Gofynion Rhagnodedig (Cymru) 2013 (“Rheoliadau 2013”), neu sy'n gymwys yn ddiofyn yn rhinwedd paragraff 6(1)(e) o Atodlen 1B i Ddeddf Cyllid Llywodraeth Leol 1992. Mae'r diwygiadau a wneir i Reoliadau 1992 yn galluogi cymryd y gostyngiadau a wneir yn unol â Rheoliadau 2013 i ystyriaeth wrth filio a gorfodi'r dreth gyngor.

Mae Rheoliadau 3 i 9 yn rhoi cyfeiriadau at Reoliadau Cynlluniau Gostyngiadau'r Dreth Gyngor a Gofynion Rhagnodedig (Cymru) 2013 a Rheoliadau Cynlluniau Gostyngiadau’r Dreth Gyngor (Cynllun Diofyn) (Cymru) 2013 yn lle’r cyfeiriadau o fewn Rheoliadau 1992 at Reoliadau Cynlluniau Gostyngiadau’r Dreth Gyngor (Cynllun Diofyn) (Cymru) 2012 a Rheoliadau Cynlluniau Gostyngiadau’r Dreth Gyngor a Gofynion Rhagnodedig (Cymru) 2012.

Darpariaethau arbed yw rheoliadau 10 ac 11 sy'n darparu nad yw'r diwygiadau a wneir i Reoliadau 1992 yn cael effaith mewn perthynas ag unrhyw geisiadau a wneir neu ostyngiadau a ddyfernir yn unol â Rheoliadau Cynlluniau Gostyngiadau'r Dreth Gyngor a Gofynion Rhagnodedig (Cymru) 2012 neu gynllun sy'n gymwys yn ddiofyn ar 1 Ebrill 2013.

Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â'r Rheoliadau hyn. O ganlyniad, ystyriwyd nad oedd yn angenrheidiol cynnal asesiad effaith rheoleiddiol o’r costau a’r manteision sy’n debygol o ddeillio o gydymffurfio â'r Rheoliadau hyn.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

2014 Rhif 129 (Cy. 17)

Y Dreth gyngor, CYMRU

Rheoliadau'r Dreth Gyngor (Gweinyddu a Gorfodi) (Diwygio)  (Cymru) 2014 

Gwnaed                                22 Ionawr 2014

Gosodwyd gerbron Cynulliad Cenedlaethol Cymru       24 Ionawr 2014

Yn dod i rym                      14 Chwefror 2014

Mae Gweinidogion Cymru yn gwneud y Rheoliadau a ganlyn drwy arfer y pwerau a roddwyd i'r Ysgrifennydd Gwladol gan adran 113(1) a (2) o Ddeddf Cyllid Llywodraeth Leol 1992([1]) a pharagraffau 1(1), 2(2), 2(4)(a) a (j), 4, 5 ac 8 i 10 o Atodlen 2 i'r Ddeddf honno, ac a freiniwyd bellach ynddynt hwy([2]).

RHAN  1

Cyffredinol

Enwi, cychwyn a chymhwyso

1.—(1) Enw'r Rheoliadau hyn yw Rheoliadau'r Dreth Gyngor (Gweinyddu a Gorfodi) (Diwygio) (Cymru) 2014. 

(2) Daw'r Rheoliadau hyn i rym ar 14 Chwefror 2014 ac maent yn gymwys o ran Cymru.

RHAN  2

Diwygiadau

 Diwygio Rheoliadau   

2. Diwygir Rheoliadau'r Dreth Gyngor (Gweinyddu a Gorfodi) 1992([3]) yn unol â rheoliadau 3 i 9.

3. Yn rheoliad 1(2) (enwi, cychwyn a dehongli)—

(a)     yn is-baragraff (a)  o'r diffiniad o “discount” yn lle “Council Tax Reduction Schemes and Prescribed Requirements (Wales) Regulations 2012”([4]) rhodder “Council Tax Reduction Schemes and Prescribed Requirements (Wales) Regulations 2013”([5]);

(b)     yn is-baragraff (a) o'r ddiffiniad o “exempt dwelling” yn lle “Council Tax Reduction Schemes and Prescribed Requirements (Wales) Regulations 2012” rhodder “Council Tax Reduction Schemes and Prescribed Requirements (Wales) Regulations 2013”.

4.Ym mharagraff (3) o reoliad 9 (rhagdybiaethau ynghylch anheddau)—

(a)     yn lle is-baragraff (a) rhodder—

“(a) paragraph 116(2)(c) of the scheme prescribed in the Schedule to the Council Tax Reduction Schemes (Default Scheme) (Wales) Regulations 2013”([6]);

(b)     yn lle is-baragraff (b) rhodder—

“(b) a provision contained  in an authority’s scheme by virtue of regulation 34(3) of, and paragraph 10(2)(c) of Schedule 13 to, the Council Tax Reduction Schemes and Prescribed Requirements (Wales) Regulations 2013,”.  

5. Yn rheoliad 10 (hysbysiad o ragdybiaeth)—

(a)     ym mharagraff (6A), yn y lle cyntaf y mae'n ymddangos, yn lle “Council Tax Reduction Schemes and Prescribed Requirements (Wales) Regulations 2012” rhodder “Council Tax Reduction Schemes and Prescribed Requirements (Wales) Regulations 2013”;

(b)     ym mharagraff (6A) yn lle is-baragraff (b)(i) rhodder—

 “(i)   informing the person affected of the duty imposed by paragraph 113(1) of the scheme prescribed by the Schedule to the Council Tax Reductions Schemes (Default Scheme) (Wales) Regulations 2013 or contained in the authority’s scheme by virtue of paragraph 7(1) of Schedule 13 to the Council Tax Reduction Schemes and Prescribed Requirements (Wales) Regulations 2013, as the case may be;”

6. Ym mharagraff (1A) o reoliad 11 (cywiro rhagdybiaethau) yn lle “Council Tax Reduction Schemes and Prescribed Requirements (Wales) Regulations 2012” rhodder “Council Tax Reduction Schemes and Prescribed Requirements (Wales) Regulations 2013”.

7. Ym mharagraff (3) o reoliad 15 (rhagdybiaethau ynghylch disgownt)—

(a)     yn lle is-baragraff (a) rhodder—

“(a) paragraph 116(2)(c) of the scheme prescribed in the Schedule to the Council Tax Reduction Schemes (Default Scheme) (Wales) Regulations 2013”;

(b)     Yn lle is-baragraff (b) rhodder—

 “(b)  a provision contained in the authority’s scheme by virtue of regulation 34(3) of, and paragraph 10(2)(c) of Schedule 13 to, the Council Tax Reduction Schemes  and Prescribed Requirements (Wales) Regulations 2013,”.

8. Ym mharagraff (1A) o reoliad 16 (cywiro rhagdybiaethau ynghylch disgownt) yn lle “Council Tax Reduction Schemes and Prescribed Requirements (Wales) Regulations 2012” rhodder “Council Tax Reduction Schemes and Prescribed Requirements (Wales) Regulations 2013”.

9. Ym mharagraff (2A) o reoliad 20 (hysbysiadau galw am dalu: taliadau sy'n ofynnol)—

(a)     yn lle is-baragraff (a) rhodder—

“(a) paragraph 116(2)(c) of the scheme prescribed in the Schedule to the Council Tax Reduction Schemes (Default Scheme) (Wales) Regulation 2013;”;

(b)     yn lle is-baragraff (b) rhodder—

“(b)   a provision contained in an authority’s scheme by virtue of regulation 34(3) of, and paragraph 10(2)(c) of Schedule 13 to, the Council Tax Reduction Schemes  and Prescribed Requirements (Wales) Regulations 2013,”.

RHAN  3

Arbedion

Dehongli

10. Yn y Rhan hon o'r Rheoliadau—

ystyr “cynllun 2013” (“2013 scheme”) yw cynllun a wneir gan awdurdod bilio yn unol â Rheoliadau 2012 neu sy'n gymwys yn ddiofyn ar 1 Ebrill 2013 yn unol â pharagraff 6(1)(e) o Atodlen 1B i Ddeddf Cyllid Llywodraeth Leol 1992;

ystyr “Rheoliadau 1992” (“1992 Regulations”) yw Rheoliadau'r Dreth Gyngor (Gweinyddu a Gorfodi) 1992;

ystyr “Rheoliadau 2012” (“2012 Regulations”)  yw Rheoliadau Cynlluniau Gostyngiadau’r Dreth Gyngor a Gofynion Rhagnodedig (Cymru) 2012.

Darpariaeth Arbed

11. Nid yw'r diwygiadau a wneir i Reoliadau 1992 gan reoliadau 3 i 9 yn cael effaith mewn perthynas ag unrhyw geisiadau a wneir neu ostyngiadau a ddyfernir yn unol â darpariaethau cynllun 2013.

 

 

 

Lesley Griffiths

Y Gweinidog Llywodraeth Leol a Busnes y Llywodraeth , un o Weinidogion Cymru

22 Ionawr 2014